FILIPINO

FEU Advocate
·
March 06, 2026

Tindig ng Nueva Vizcaya: Paglaban para sa bayang kinagisnan!

Kung nakikita ng mga korporasyon ang pagmimina bilang landas tungo sa kaunlaran, itinuturing naman ito ng mga residente ng Dupax del Norte bilang banta sa lupang minana at buhay na kanilang kinagisnan. Sa likod ng pangakong progreso, natatabunan ang kanilang mga kuwento at nauuwi sa pang-aabuso sa kalikasan, kabuhayan, at karapatang pantao.

FEU Advocate
·
March 01, 2026

Dalawang panig ng pag-ibig ang lente ng ‘The Loved One’

Pinatunayan ng romantikong pelikula ni Irene Emma Villamor na hindi sapat ang malalim na pagmamahal upang pagdugtungin ang dalawang pusong magkaiba na ng direksiyong tinatahak. Sapagkat may mga pag-ibig na kahit wagas, kailangang magpaubaya lalo na't kung hindi na magtatagpo ang mga landas na nais tahakin.

FEU Advocate
·
February 13, 2026

Babae pa rin ang nanaig sa dulang ‘Ayoko kay Helena’

Madalas inilalarawan ang mga kababaihan bilang sagisag ng kahinaan—pinagkaitan ng kapangyarihang ipaglaban ang sariling kalayaan. Ngunit sa malikhaing direksiyon ni Nerlin Ann Cometa sa dulang ‘Ayoko kay Helena,’ mayroon silang tinig, lakas, at kakayahang hamunin ang mga hangganan ng kanilang mundo.

FEU Advocate
·
February 06, 2026

Pagkupas ng Filipiniana sa mukha ng literatura

Mula Precious Hearts Romance hanggang Wattpad, patuloy na sumisibol ang mga libro mula sa Pilipinas. Kinagigiliwan ng mga Pilipino ang mga istoryang nagbibigay-aliw at nagsisilbing identidad sa anyo ng teksto. Ngunit sa pagsilay ng mga Kanluraning libro sa larangan ng literatura, unti-unti nang iniiwan sa dilim ang mga librong sumisimbolo sa pagkakakilanlan ng mga Pilipino—ang seksiyon ng Filipiniana.

FEU Advocate
·
January 08, 2026

Pakikibaka sa pelikulang Pilipino ang pagtaya sa katotohanan ng mga queer, PWD

Matapos manalo nina Vice Ganda at Krystel Go bilang pinakamahusay na mga aktor sa ika-51 edisyon ng Metro Manila Film Festival (MMFF), muling umigting ang usapin ng representasyon at pagtanggap sa mga sektor na matagal nang isinasantabi sa pelikulang Pilipino.

FEU Advocate
·
December 30, 2025

Sapat ba ang limandaan para sa blangkong hapag-kainan?

Sa pagtatapos ng huling pahina ng taong 2025, tila may bumabalot pa ring anino ng kakapusan sa pamumuhay ng bawat Pilipino. Sa kabila ng hindi makatarungang sahod habang nakipaglalaban pa rin ang masa sa hamon ng buhay, patuloy nilang inaasam na magdiwang nang may masaganang hapag-kainan dala ang kanilang pitakang walang ibang laman kung hindi sakripisyo para sa pamilyang inuuwian.

FEU Advocate
·
December 27, 2025

Mukha ng Pasko sa tahimik na dormitoryo

Habang abala ang ilan sa pakikipagsiksikan sa mga terminal, pagbili ng tiket, at pag-impake para makauwi sa kani-kanilang probinsiya pagsapit ng Disyembre, sumabay naman ang malamig na simoy ng hangin sa mas tahimik na diwa ng Pasko para sa mga estudyanteng mag-isang sumalubong nito sa kanilang dormitoryo.

FEU Advocate
·
December 23, 2025

Pag-indak ng nasalanta sa dagundong ng daluyong sa darating na Pasko

Hanggang ngayon, mistulang naghahanap pa rin ng pahintulot ang mga nasalanta na ipagdiwang ang Paskong paparating. Bulyawan man ang langit nang paulit-ulit, tila bulong ang kanilang mga hiyaw sa gitna ng malakas na ihip ng hangin at bugso ng ulan. Dagdag pang minamaniobra ng pamahalaan ang kalalabasan ng bawat yugto dahil sila ang tunay na may kakayahang wakasan ang tagpuan ng kalamidad at kamatayan.

FEU Advocate
·
December 03, 2025

Hindi panandaliang batas ang lulutas sa kabataang nag-aasam ng lunas

Karapatan ng bawat kabataan na mapanatili ang matibay na pundasyon ng kanilang kalusugang mental. Katuwang nito ang matatag na pagpapahalaga sa bawat kilos at emosyong humuhubog sa kanilang pagkakakilanlan. Ngunit sa kasalukuyan, tila umaalingasaw ang hinagpis mula sa sugat na nagpapalubha sa suliraning kinahaharap ng kabataang Pilipino pagdating sa kalusugang pang-isip.

FEU Advocate
·
November 21, 2025

Sa loob ng pamantasan matatagpuan ang alternatibong katotohanan

Kung abilidad ng mainstream media na iparinig ang tinig ng karamihan, layunin naman ng campus press na isigaw ang mga bulong ng henerasyon sa lipunan na kinagagalawan—mga kuwentong pilit na ikinukubli sa dilim. Ipinakikita na ang bawat pamamahayag ay hindi lamang pag-uulat, bagkus ay matapang na paglaban kahit pa sa loob ng pamantasang mulat sa katotohanan.

FEU Advocate
·
November 20, 2025

Sa dulang ‘Sala sa Pito’, walang iisang mukha ang pag-ibig

Tila isang malaking coloring book ang buhay, kung saan nakapaloob ang iba’t ibang bersiyon ng pag-ibig na kumakatawan sa sari-saring hugis. Puno ito ng mga pahinang naghihintay na mapunan ng mga kakaibang kulay at tono. Ito ang landas na nais tahakin ng ‘Sala sa Pito,’ dula ni George de Jesus III, na muling itinanghal ng Boxstage Manila sa direksiyon ni Dudz Teraña.

FEU Advocate
·
November 11, 2025

Pagsipat sa Bulag na Pananampalataya para sa Isang Himala

Mabilis mauto ang mga tao—mabilis mabulag, makontrol, at mamanipula. Ngunit, hindi ito basta-basta lamang nagaganap. Ito ay binubuo, pinapanday ng panahon, at kalauna’y sinasabayan ng mga tao sa kung anong ilusyon ang maigagatas nila. Mula sa 'Himala' ni Ricky Lee noong 1982 na pinagbidahan ni Nora Aunor, muling binuhay ni Pepe Diokno ang diwa ng himala sa kaniyang musikal na pagtatanghal ng 'Isang Himala' noong ika-25 ng Disyembre.

FEU Advocate
·
November 10, 2025

Kapisanan bilang dakilang sangkap ng mitolohiyang Pilipino

Nagsisilbing tahian ang Kamaynilaan ng mga pira-pirasong kultura na nagmula sa iba’t ibang lalawiganin. Pinagtatagpi-tagpi ito ng mga estudyanteng dala-dala ang kuwentong-bayan na kanilang kinagisnan, kumakatawan sa mitolohiyang isinalaysay pa ng kanilang mga ninuno.

FEU Advocate
·
October 26, 2025

Sa pakikipagtuos sa katiwalian, lupa ang sandata ng kanayunan

Naging lunsaran na ng pakikibaka ang lupa ng mga magsasaka’t katutubo. Sa pagitan ng bakod ng mga korporasyon at huwad na reporma, isinusugal nila ang kabuhayan at dangal kapalit ng kakarampot na salapi. Kaya’t nananatiling banyaga sa sariling lupa ang mga tagapag-alaga ng lupa sa bansang binuo sa pawis at kalyo ng mga pesante.

FEU Advocate
·
October 01, 2025

KWF: Komisyon o Krisis sa Wikang Filipino?

Ni Jasmien Ivy Sanchez Laging nakapaloob ang pakikibaka ng wika sa bawat talata ng kasaysayan. Ngunit sa kasalukuyan, ang Komisyon sa Wikang Filipino (KWF) mismo ang nasa gitna ng diskurso—nasasangkot sa politika at nabibigong magsulong ng matibay na hakbang para sa mga katutubong wika. Patuloy itong kinukuwestiyon kung nagagampanan pa ba nito ang tungkulin sa […]

FEU Advocate
·
September 30, 2025

Kung bakit mas malalim ang pighati ng estudyante kaysa sa baha

Hindi baha ang humahadlang sa pag-aaral ng mga estudyante kung hindi ang isang gobyernong paulit-ulit na nilulunod ng sariling kasakiman. Kaya’t umaalingasaw ang katiwalian sa bawat ‘class suspension’ ng pamahalaan—isang unos na higit pang mapanganib kaysa sa bagyo.

FEU Advocate
·
September 29, 2025

Sa pagbuhos ng galit ng mga estudyante, ‘walkout’ ang simbolo ng paglaban

Pagpiglas sa mapang-aping sistema ang simbolo ng “walkout” ng mga estudyanteng lumabas at nakibaka sa lansangan ngayong araw, ika-29 ng Setyembre. Ngunit lampas sa paglaban, representasyon ng kanilang galit at pagdurusa ang pagsigaw para sa katarungan.

FEU Advocate
·
September 18, 2025

Paglalakbay ang handog ng ‘Some Nights I Feel Like Walking’

#TAMlakayan: Walang kasiguraduhang paglaya ang inaalok ng mapusok na gabi. Bagama’t hindi lantad ang pagnanasang umalis, iniaalay ng kadiliman ang paglisan ng katawan mula sa kalagitnaan ng maingay na mundo. Ganito ang handog ni Petersen Vargas sa kaniyang pelikulang ‘Some Nights I Feel Like Walking’: isang kuwento ng pagtakas, paglaya, at pagbabalik.

FEU Advocate
·
August 19, 2025

Muling paggamit ng Baybayin: dekorasyon o dekolonisasyon?

Muling binubuhay mula sa nakaraan ang Baybayin sa mga karatula ng kalsada at istasyon ng tren. Ngunit sa halip na magsilbing hakbang tungo sa dekolonisasyon, tila humahantong ito sa pagiging dekorasyon ng isang bansang uhaw sa identidad ngunit patuloy na sinasakdal sa kolonyal na tanikala.

FEU Advocate
·
August 08, 2025

Liwanag na dala ng ‘Sunshine’ sa kababaihang Pinoy

#TAMlakayan: Sa pagdating ng internationally acclaimed na pelikula ni Antoinette Jadaone na ‘Sunshine’ sa Pilipinas, iminulat nito ang mga mata ng manonood sa mapait na realidad—na ang mga kababaihan ng bansa ay marami pang kailangang tahakin upang labanan ang patriyarkal na lipunan na gumagapos dito.

FEU Advocate
·
July 25, 2025

Taya ang buhay sa laro ng kapalaran

Sa isang lipunang salat sa oportunidad at gutom sa ginhawa, nagiging kaakit-akit ang pangakong panalo sa online gambling. Subalit, kailangang itaya ang buhay upang makamit ang matagal nang inaasam na pag-ahon sa kahirapan—kahit pa ang mga premyo’y palamuti lamang sa sugal kung saan lugi ang masa at panalo ang may kontrol sa sistema.

FEU Advocate
·
June 26, 2025

Paglalantad ng malansang bakla sa mapanghusgang ‘gaydar’

Hindi totoong naaamoy ng ilong ang alingasaw ng isang bakla. Ang totoo, walang makapagsasabi kung sino ang bakla kung hindi ang sarili niya lamang. Hindi ikaw, hindi sila, hindi ang ‘gaydar.’

FEU Advocate
·
June 23, 2025

Espasyo ng pagtanggap ang kukupkop sa’yo

Sa bansang unti-unting nagkakaboses ang mga matagal nang itinatabing komunidad, mahalagang kilalanin ang mga espasyong lumilihis sa makaluma’t makitid na paniniwala—mga lugar na hindi lamang basta negosyo, kung hindi mga lugar kung saan puwedeng huminga’t magpakatotoo ang mga bakla.

FEU Advocate
·
June 20, 2025

Pabrika ng makina ang Pamantasang kinikitil ang kaluluwa sa kolehiyo

Madalas ituring na “minor” ang mga kursong General Education (GE) gaya ng Art Appreciation, Ethics, at The Contemporary World. Ngunit sa likod ng mapangmaliit na bansag dito, hindi mapagkakailang sila ang puso’t kaluluwa ng edukasyon—tinuturuan tayong makinig, magduda, at manindigan. Sa panukalang tanggalin ito, tila hinahanda ang isang henerasyong mistulang makina na sunod-sunuran sa sistema.

FEU Advocate
·
May 05, 2025

Hindi lahat ng babae, dapat umabante

Tungo sa panibagong kabanata ng politika sa Pilipinas, nananatiling matatag ang padron na matagal nang nakaukit sa kasaysayan—ang walang patid na paghahari ng mga dinastiya. Ngunit sa halip na pamilyar na anyo ng patriyarka ang manguna, unti-unting sumusulpot ang mga kababaihang sina Camille Villar, Imee Marcos, at Sara Duterte sa sentro ng entablado.

FEU Advocate
·
April 18, 2025

Sa kamay ng banal na demonyo, santong diyablo

Kamatayan ang hangganan hindi lamang ng hininga ng katawan, kung ‘di pati ng diwa ng pagkatao sa lupa. At para sa iba, hustisya ang dala ng kamatayang ito.

FEU Advocate
·
March 25, 2025

Pula ang kulay ng simula at wakas

Ang rosas ay sagisag ng pagmamahal at matinding damdamin—dalawang bagay na sumasalamin sa wagas na pag-iibigan nina Billy at Nena. Ngunit sa kabila ng marikit nitong mga talulot ay tahimik na nagbabantay ang matutulis na tinik; isang tanda ng malaking panganib na nakaamba sa kapalaran ng magkasintahan, habang ang matingkad nitong kulay ay tulad ng dugong dadaloy sa makapal na niyebeng bumabalot sa Europa.

FEU Advocate
·
March 25, 2025

Paglaya ng ari sa sari-saring mukha ng pagkababae

Nagmumula sa iba’t ibang kuwento ng pagkababae ang kolektibong pakikibaka ng kababaihan para sa mas makatarungang lipunan. Pinagbubuklod ng iisang mithiin, pinalalakas ang makababaeng layunin ng puwersang hinuhugot sa kakaibang danas ng iba’t ibang mukha ng kababaihan. Ngayong #BuwanNgKababaihan, bibigyang-lalim ang sari-saring imahe ng pagkababae sa loob ng Pamantasan ng Malayong Silangan.

FEU Advocate
·
March 10, 2025

Babae ang Bukas

Isang bangungot ang maging babae sa mundong pinipigilan kang mangarap.

FEU Advocate
·
February 24, 2025

Paglaladlad ng kuwentong ‘queer’ sa diwa ng ‘drag’

Lumalabas sa kumbensiyon ng kasarian ang balangkas ng drag bilang isang pagpapahayag ng sarili, malaya mula sa dikta ng lipunang ikinukulong sa makalumang pag-intindi ang kasarian. Kakabit ng pag-alpas na ito, nagpapalaya, nangangahas, at nagbibigay-espasyo ang diwa ng drag.

FEU Advocate
·
February 20, 2025

Tibagin ang konserbatismo para sa kamalayang mapagpalaya

Sa buwan ng mga puso, hindi lang pagmamahalan ang dapat pag-usapan, kung hindi pati ang katotohanang ikinukubli ng konserbatismo—isang realidad na nagtutulak sa maraming kabataan tungo sa maagang pagbubuntis.

FEU Advocate
·
February 14, 2025

Pag-ibig sa Pilipinas hubog ng pakikibakang Pilipino

Maraming nagsasabing malas ang isilang sa Pilipinas dahil sa katiwaliang humuhubog sa ating karanasan. Ngunit, pinanghahawakan ng mga aktibista ang pag-asang tuluyan itong mawakasan. Para sa kanila, ito ang pinakamataas na uri ng pag-ibig—ang pagmamahal sa tinubuang lupa.

FEU Advocate
·
January 24, 2025

Walang kalayaan hanggang sa huling hantungan

Sa ating lipunan, hindi lamang mga tao ang dapat mamuhay nang hindi dinidiktahan, karapat-dapat din itong makamit ng mga hayop sa mundong kanilang ginagalawan.

FEU Advocate
·
January 22, 2025

‘Pagsusuri’t paghahangad,’ aksiyon ng kabataan sa darating na eleksiyon

Tinataglay ngayon ng kabataan ang dumadagundong na boses ng hinaharap. Isinisigaw sa lansangan, kabahayan, at iba’t ibang paaralan ang mithiin ng nagkakaisang boses. Ngayong darating na eleksiyon, pagkilatis ng kasalukuyang daloy ng politika at paghahangad ng mas maayos na lipunan ang layunin ng kanilang milyon-milyong boto sa #Halalan2025.

FEU Advocate
·
January 22, 2025

Mukha ng nakaraan sa pera ng kasalukuyan

Sa bawat papel na ating iniipit sa pitaka, makikita ang simbolo ng ating nakaraan—mga bayani na nag-ukit ng ating kasaysayan. Ngunit sa pagbabagong hatid ng bagong disenyo, unti-unting napapalitan ang mga mukha ng bayani ng mga hayop at halaman na nanganganib nang maglaho.

FEU Advocate
·
January 19, 2025

Agos ng pananampalataya

Sa Pasyon ni Kristo, sinusundan ng mga tao si Hesus upang Siya ay kutyain, hatulan, at ipako sa krus, habang may kakaunting handang tumulong o kilalanin ang Kaniyang kabanalan. Ngunit sa panahon ng Traslación, ipinakikita nito ang pasyon ng mga tao para kay Kristo. Sinusundan ang yapak ng Poong Nazareno upang humingi ng biyaya at awa, at ibigay ang pinakamataas na papuri sa Kaniya.

FEU Advocate
·
January 03, 2025

Hangaring ‘pagbabago’ ng mga Tamaraw ngayong bagong taon

Sa pagbuo ng ‘wishlist’ ngayong bagong taon, pag-aasam ng ‘pagbabago’ sa susunod na semestre ang nangunguna sa listahan ng mga mag-aaral ng Pamantasan. Bunsod ng palagiang daing ukol sa proseso ng enrollment at kaugnay na suliranin sa Wellness and Recreation Program (WRP), napapanahong pagsasaayos mula sa administrasyon ang inaantabayanan ng komunidad ngayong 2025.

FEU Advocate
·
January 03, 2025

Natatalo rin ang breadwinner

#TAMlakayan: Dala ng mga buntong-hininga ang pagod ng bawat breadwinner sa pamilya, at inihahain ng ‘And the Breadwinner is…’ ang masalimuot nilang katotohanan noong nakaraang Metro Manila Film Festival (MMFF) 2024. Sa pagganap ng aktor at dating mag-aaral ng Far Eastern University na si Vice Ganda bilang migranteng manggagawa at bakla, regalo ng MMFF ang pagbulusok nito pabalik sa kamalayan ng masa at pamilyang Pilipino ngayong taon.

FEU Advocate
·
December 29, 2024

Utang at piging

Malalim na pagpapahalaga sa pamilya at tradisyon ang nasa likod ng taunang pagdiriwang ng Pasko at Bagong Taon. Ngunit sa kabila ng bawat masaganang selebrasyon, may mga pamilyang nagsusumikap na mairaos ang isang gabi ng kasiyahan at pagbibigayan. Bakit nga ba isinasakripisyo ng mga Pilipino ang pinansiyal at emosyonal na kapakanan kapalit ng isang "perpektong" okasyon?

FEU Advocate
·
December 26, 2024

Pasko ng pagkilala: Pang-unawa para sa mga nagtitiis na manggagawa

Food delivery riders at mga crew sa kainan—ilan sa mga manggagawang abala sa pagbibigay-serbisyo tuwing Kapaskuhan. Habang ang karamihan ay masaya at abala sa idinaraos na pagdiriwang, sila naman ay nagsasakripisyo upang matustusan ang pangangailangan ng mga pinaglalaanan, dagdagan pa ng kawalan ng respeto at pagkilala ng iilan. Kaya naman sa buwan ng pagbibigayan, mainam lang na makamit nila ang nararapat na paggalang mula sa mga mamamayan.

FEU Advocate
·
December 22, 2024

Pait ng salo-salo sa araw ng Pasko

Kapana-panabik ang Paskong Pilipino dahil sa mga tradisyong hindi nagbabago, tulad ng paghahanda para sa Noche Buena at pagbisita ng mga kamag-anak na matagal na nating hindi nakita. Subalit, kaakibat ng malaking pagtitipon ay ang mga hindi napapanahong tradisyon mula sa ating mga kamag-anak. Nariyan ang kanilang pagbibigay ng mga insensitibo at mapanghimasok na komento tungkol sa iba’t ibang aspekto ng ating buhay.

FEU Advocate
·
December 03, 2024

Hinihintay na kanlungan ng mga Ligaw sa lansangan

Makikita sila sa gilid ng kalsada, ang iba nasa may eskinita, o sa tabi ng isang kainan at nagkakalkal ng basurahan—mga aso at pusa na nagbabakasakaling may matagpuang pupuno sa kumakalam nilang tiyan. Hindi naman karangyaan ang kanilang kahilingan, sapagkat kalinga at totoong kanlungan ang kanilang kailangan. Sa mundong inilikha para sa lahat ng nilalang, nararapat na magkaroon rin ang mga hayop ng pamilyang tunay na kakalinga at gagalang sa kanila.

FEU Advocate
·
November 30, 2024

Pagpapasan sa naudlot na rebolusyon ni Andres Bonifacio

Ipinagdiriwang ngayong araw ang ika-161 kaarawan ni Ka Andres Bonifacio, ama ng himagsikang Pilipino. Higit isang siglo na ang lumipas, ngunit nananatili pa ring buhay sa kasalukuyan ang mga prinsipyo ng Katipunan sa hangaring makamit ang makatarungang pagbabago sa lipunan.

FEU Advocate
·
November 22, 2024

Hinubog na pagkatao mula sa kalakaran at konsumerismo ng modernong anik-anik

Bus tickets, resibo, at kung ano-ano; itinuturing na ‘anik-anik’ ang mga maliliit na bagay na makabuluhan para sa mga nangongolekta nito. Karaniwan itong iniuugnay sa mga alaala, personal na karanasan, o simpleng kasiyahan—remembrance kung maituturing. Subalit, sa pag-usbong ng modernong anik-anik, naging simbolo na rin ng prestihiyo at estado ang dating iniimbak lamang para sa mga bitbit nitong memorya. Bunsod ng komersyalisasyon, naging eksklusibo at tumaas ang presyo ng anik-anik—isang kabalintunaan mula sa mga masa na nagpasimula ng konsepto nito buhat ng kahirapan.

FEU Advocate
·
November 12, 2024

Mukha ng kamatayan sa mga duguang pahina

Makapagsasalita ba ang isang biktima ng War on Drugs sa harap ni Kamatayan? Para kay Patricia Evangelista, tungkulin ng isang mamamahayag na iukit sa kasaysayan ang mga pinaslang sa pamamagitan ng extrajudicial killings dahil wala nang pagkakataong makapagsalita pa ang isang bangkay sa ilalim ng sistemikong karahasan.

FEU Advocate
·
October 31, 2024

Entablado ng mga payaso: Eleksiyong batay sa kasikatan

Gasgas na ang mga katwirang ‘makatulong sa mamamayan’ sa kaliwa’t kanang naghahain ng kanilang kandidatura na ang tanging katanyagan lang ay puhunan. Malinaw na pinakikitid nito ang espasyo para sa mga totoong lider na may detalyadong plano at kakayahan. Sa panahon kung saan itinuturing na kapangyarihan ang kasikatan, ginagamit ito upang manguna sa halalan at samantalahin ang tiwala ng sambayanan.

FEU Advocate
·
October 28, 2024

Tikom-bibig sa pagdurusa ng kababaihan

Ginagawang pipi ng sistema ang bawat babaeng nilalapastangan batay sa kanilang kasarian. Binubulag ng mapangmatang lipunan ang dalagang biktima ng istruktural na pang-aabuso sa kinalalagyan nitong pamayanan. Sa kawalan ng kakayahang umimik laban sa karahasan, sino ang sisigaw ng tulong para sa kanila kung walang nakatutok na kamera?

FEU Advocate
·
October 23, 2024

Kadenang Habi sa Sinulid

Bagama't patuloy na umuunlad ang lipunan, mahigpit pa ring itinatali ng makalumang pananaw ang pananamit sa kasarian. Habang patuloy na nagbubukas ang ating isipan at nagsusumikap para sa mas ingklusibong lipunan, mas nakikilala natin ang kahalagahan ng paghamon sa mga nakasanayang kaisipan. Kaya’t panahon na upang buwagin ang mga baluktot na paniniwalang ito upang makamtan ang ganap na kalayaan sa pagpapahayag ng ating tunay na pagkakakilanlan.

FEU Advocate
·
October 21, 2024

Pag-ani ng repormang agraryo, pagkalas sa kalugmukang piyudalismo

Ipinapasan ng bawat magsasaka sa kanayunan ang kapalaran ng Pilipinas bilang isang agraryong bansa. Ngunit sa patuloy na pambabarat ng mga panginoong maylupa sa mga magbubukid na nagtataguyod ng pagsasaka, pagbubungkal para sa tunay na repormang agraryo at lupa ang layunin ng mga aping magsasaka sa kabiguan ng estado na panindigan ang pangako nitong pag-unlad […]

FEU Advocate
·
October 16, 2024

Kasakiman at kawalang-kamalayan: Banta sa kultural na pagkakakilanlan

Ang ideya ng ‘pagbabago’ sa isang sagradong pagkain tulad ng pastil ay hindi lamang simpleng pagpapalit ng isang kasangkapan. Pinapakita nito ang pagwawaksi sa malalim nitong kahulugan at pinagmulan. Sa kasaysayan ng Pilipinas kung saan nahaharap sa matinding diskriminasyon at opresyon ang mga Pilipinong Muslim, isa itong panibagong paraan ng pagpapalabnaw at hindi paggalang sa kanilang kultural na pagkakakilanlan.

FEU Advocate
·
October 15, 2024

Sa pagdating ng makisig sa Isla Esteban

Bawat nilalang ay may pag-aasam, hayag man o nakakubli, na makaramdam ng pagmamahal. Bitbit sa kanilang araw-araw na pamumuhay ang hiling na madama na bahagi sila ng isang relasyon; ng pagkakaibigan; ng pamilya; ng komunidad. Kung kaya’t maging ang mga residente ng Isla Esteban ay handang ialay ang lahat – ang kanilang buong puso’t sarili – para sa isang misteryosong makisig na tila bitbit ang kanilang inaasam na pagsinta.

FEU Advocate
·
October 11, 2024

Dehadong mamamayan sa girian ng mga makapangyarihan

Nakatingalang mga langgam kung maituturing ang masang Pilipino habang sinasalo ang pira-pirasong mga naratibo mula sa bangayan ng dating alyansang Marcos at Duterte. Kasabay ng palitan ng mga patutsada ng magkabilang panig, iniipon naman ng masa ang iba’t ibang kuwento at mga kakarampot na ‘ayuda’ na minamanipula sila upang isuko ang kanilang makapangyarihang boto.

FEU Advocate
·
September 28, 2024

Humanidades at Sining: Pusong naglalayag sa agos ng paglimot

Madalas kung ituring na walang halaga at “hindi praktikal,” patuloy na humaharap sa malupit na agos ng pagwawalang-bahala ang mga nasa larangang humanidades at sining. Ngunit sa kabila ng kakulangan sa suporta at pondo, nananatiling matatag ang mga tagapagtaguyod ng mga disiplina sa kanilang misyon na magpanday ng mas malalim na diwa at kamalayan para sa bayan.

FEU Advocate
·
September 22, 2024

Tangkang pambubusal sa kalayaang pansining

Kilala ang Cinemalaya sa pagbibigay-espasyo para sa mga kuwentong naiiba sa karaniwang mapapanood sa pampublikong sinehan, na may layuning talakayin ang mga isyung panlipunan at usaping pampolitika sa loob ng bansa. Ngunit sa kabila ng progresibo nitong representasyon, naglilitawan pa rin ang mga salungatang humahadlang sa pagkamit ng tunay na ‘malayang’ pelikula.

FEU Advocate
·
September 21, 2024

Sa gunita ng binabangungot na lipunan

Nakaugnay sa pagbabalik ng isang Marcos sa Malacañang ang malagim at malawakang kampanya upang muling maitatag ang monopolyo ng kapangyarihan. Ngayong ika-52 taong paggunita sa masalimuot na pagpapatupad ni Ferdinand Marcos Sr. ng Martial Law, pag-alala sa aral ng Batas Militar ang kailangan sa pagsusuri ng pagkakapareho ng administrasyon ni Bongbong Marcos (BBM) at ng kaniyang ama.

FEU Advocate
·
September 10, 2024

Masang Lalagapak: Panukalang NMIA, pasaning ‘perwisyo’ ng mga Bulakenyo

Kabaliktaran ng “kaunlarang” inaasam sa itinatayong New Manila International Airport (NMIA) sa Bulakan, Bulacan, pagkawala ng kabuhayan at pagkasira ng kalikasan ang idinadaing ng mga residente at mangingisda bunsod ng malawakang reklamasyon ng lupa at katubigan sa pangunguna ng San Miguel Aerocity Inc. na subsidiyaryo ng San Miguel Corporation (SMC).

FEU Advocate
·
September 02, 2024

Landas ng pag-aalinlangan ng mga bagong tapos sa lipunan

Matapos ang ilang taong pagsasakripisyo at pagpupuyat, isang matinding palaisipan sa mga nagtapos sa kolehiyo kung ano nga ba ang tiyak at nakabubuhay na daan paglabas nila sa silid ng kanilang ikalawang tahanan. Sa kabila ng mga kaalaman at makukulay na pangarap, hindi maitatanggi ang pinansyal na dagok at presyon ng lipunan na hahamon sa kanilang katatagan.

FEU Advocate
·
August 26, 2024

Pagtahi ng nakaraan at kasalukuyan sa sinulid ng Pulang Araw

Sa bawat ikot ng kasaysayan, may mga kuwento ng kabayanihang nakakubli sa likod ng kadiliman at kalupitan ng panahon. Gamit ang masining na pagganap at matalim na pagsasalaysay, ipinamalas ng bagong teleserye ang diwa ng katatagan at pag-asa, binibigyang-liwanag ang mga sugat ng nakaraan na bakas hanggang sa kasalukuyan.

FEU Advocate
·
August 23, 2024

Karera’t krusada ng sawing-palad sa kalsada

Kaakibat ng panibagong taong panuruan ay ang muling pagharap ng mga estudyanteng komyuter sa lansangan. Mula pagsikat ng araw hanggang sa pagbaybay ng kalsada sa dilim, danas muli ang pagod, puyat, at pangamba makarating lamang sa kanilang paroroonan.

FEU Advocate
·
August 21, 2024

Wikang nauupos sa bibig ng pananaliksik

Minamasdan ng bawat salitang kinalilimutan sa lipunang ang napupunding katayuan ng wikang pambansa at pagbagsak ng kaisipang sumasalamin sa malalim na karanasan ng bawat Pilipino. Mula rito, pinapasan ng akademya ang tanglaw na magbibigay-liwanag sa lahat ng katutubong kaisipang pinalalamlam ng kolonisadong talakayan.

FEU Advocate
·
August 02, 2024

Hustisyang salat sa wangis ng ‘trial by social media’

Mula sa mga walang saysay na post hanggang sa mga viral na akusasyon, nagiging moderno at pampublikong hukuman na ang social media. Bagaman nakatutulong ito sa pagpapakalat ng kamalayan at pagpapatuwid ng mga kamalian, kasabay nito ang paglantad ng mga mapanganib na epekto ng padalos-dalos at emosyonal na panghuhusga—mga hatol na walang batayan, at mga buhay na winawasak ng mga salitang walang konkretong ebidensiya.

FEU Advocate
·
July 25, 2024

Limos na umento ng mga maralitang obrero

Pangunahing sigaw ng mga manggagawa ang kanilang kampanya para sa nakabubuhay na sahod. Ngunit sa kabila ng demokratiko at makatarungang kahilingan, tila nakikipaglaro ng bingi-bingihan at bulag-bulagan ang estado na taliwas ang pagtugon sa panawagan ng mga maralitang obrero.

FEU Advocate
·
July 23, 2024

Talaingod 18: Sa kasaysayan ng militarisasyon, pang-aabuso sa mga Lumad

Saksi ang kasaysayan sa ilang dekadang karahasan at pambubusabos laban sa mga katutubo ng bansa. Ngunit, saksi rin ang kasaysayan sa kung paanong ang hukbo't pamahalaan na responsable sa pangangalaga ng kanilang kaligtasan ang siyang nagsisilbing ugat ng kanilang mga pasakit at paghihirap.

FEU Advocate
·
July 19, 2024

Kasarian mo, suot ko

Sa nagbabagong pananamit ng panahon, nagpapatong-patong ang pagpapakita ng pagsuporta ng mga kumpanya’t kapitalista para sa mga taong nabibilang sa kasariang hindi nakaugalian. Saksi ang lahat na sa tuwing pagpatak ng Hulyo, hubad na ang kanilang bandilang bahaghari na nagpapahiwatig ng alyansa laban sa diskriminasyon.

FEU Advocate
·
July 09, 2024

Mapagparusang pisara: Dagok ng mga bayaning nagtuturo

Bayani kung maituturing ang mga gurong nagsusumikap para sa mga bagong sibol ng lipunan. Mula sa mga inhinyero, doktor, nars, abogado, artista ng bayan hanggang sa mga pulitiko ng bansa, lahat ng mga ito ay dumaan sa kalinga ng mga nagtitiis na guro.

FEU Advocate
·
July 07, 2024

Bayaning malaya sa dayuhang lupa

Sa marahang haplos ng mga kamay na nagbibigay kalinga para sa ikabubuti ng mga Pilipino, ang siyang hindi nabibigyan ng sapat na pangangalaga. Kaya para sa ilan, nakikita ang kalayaan hindi sa sariling bayan kun’di sa banyagang lupain na mas may pagpapahalaga sa kanilang larangan.

FEU Advocate
·
June 26, 2024

Liwanag sa likod ng tabing: Mga queer sa pelikulang Pilipino

Sumiklab mula sa kadiliman ang mga kuwento ng LGBTQIA+ sa pelikulang Pilipino. Mula sa mga unang hakbang ng pagsasalarawan ng homosekswalidad hanggang sa mga kinikilalang obra na nagbigay-buhay at inspirasyon sa komunidad. Ngunit sa umuusbong na inklusibong representasyon sa industriya, kasabay nito ang pagsibol ng mga maling pag-aanyo at esteryotipikal na imahe.

FEU Advocate
·
June 03, 2024

Sa rehas ng mapagpalayang sining

Mula sa mga graffiti sa underpass, mga poster sa mga waiting shed, maging ang mga mural sa pagitan ng mga eskinita; nagiging salamin ng lipunan ang sining na nakaguhit sa bawat sulok ng ating mundong ginagalawan.

FEU Advocate
·
May 30, 2024

Kalinga tungo sa respirasyon ng huling baga

Kapag ang init ng araw ay humahalubilo na at ang pagod ay tila umaalipusta sa bawat diwa, ang Arroceros Forest Park, na tinaguriang "Huling Baga ng Maynila," ay nagsisilbing kanlungan sa gitna ng nakapapasong init at magulong kalunsuran.

FEU Advocate
·
May 28, 2024

Pili(t)in mo rin ang Pilipinas

Mayaman sa kultura, magagandang tanawin, sa kalupaan man o sa katubigan, pati na rin sa mga tradisyon at paniniwala. Ngunit sa paglipas ng panahon, unti-unti nang nauubos ang isa sa pinakamahalagang yaman ng perlas ng silanganan, ang yamang tao.

FEU Advocate
·
May 13, 2024

Pagsaklot ng kaalaman sa kasagsagan ng kakapusan

Mistulang bituin ang edukasyon. Nagbibigay-ningning sa madilim at magulong lakbayin at naghahatid liwanag sa mga balik at lumang pananaw. Sa diskursong kaliwanagan, hatid nito ay kamalayan sa katotohanan na siyang daan upang wasakin ang harang na nagbubukod sa yaman at ginhawa ng masa.

FEU Advocate
·
April 22, 2024

Panawagan para sa susunod na tatanglaw

Mula klasrum hanggang lansangan, bitbit ng mga lider-estudyante ang boses ng mga kabataan na siyang nararapat na nangingibabaw. Mula rito, sila ang bubuo sa bagong henerasyon ng mga lider ng bansa na siyang sumasalamin sa kabuuang kalagayan ng demokrasya sa Pilipinas.

FEU Advocate
·
March 29, 2024

Nang mawaksi ang pahina ng pagkakakilanlan

Sa mga lumipas na dekada, patuloy na pinagbubuklod ng pira-pirasong mga papel ang mga karakter sa kwento ng lupang sinilangan. Animo’y mugol ito na naging pundasyon ng kapanatagan ng mamamayang Pilipino.

FEU Advocate
·
March 24, 2024

Ang paglipad ng pluma sa tiranyang mapanyurak

Nagsisilbing himig ng kamalayan ang bawat patak ng tinta ng mga pahayagan. Dulot nito, naging sandigan na ng mga mag-aaral ang mga pampaaralang publikasyon, lalo na sa panahong hinahamak ng panghuhuwad ang mga pangunahing daluyan ng balita at impormasyon.

FEU Advocate
·
February 24, 2024

Pilas ng Demokrasya: Katapusan o Panibagong Yugto ng Pagkilala?

Bukod sa pagdiriwang ng araw ng mga puso, kada Pebrero rin ay binibigyang-pagpupugay ang mga ipinamalas na katapangan ng taumbayan na nakaukit na sa ating kasaysayan. Inaalala ito upang parangalan ang pag-aalsa ng nakaraang henerasyon na siyang pumiglas sa hawlang bumihag sa kanilang isip, salita, sa kahabaan ng EDSA.

FEU Advocate
·
February 11, 2024

Armas ng kakanyahan: Pagsibak sa panaghoy ng Anti-Terrorism Law

Minsan nang nangarap sina Juan at Juana ng demokrasyang magmamarka ng tunay ng diwa ng kalayaan. Upang makamit ito, itinuos nila ang kanilang mga kaluluwa nang makamtan ang pinipithaya para sa kanilang sinisintang bayan.

FEU Advocate
·
December 28, 2023

Pagtiwalag sa Hirati: Kaluwalhatian sa Panangis ng Kalusugang Pangkaisipan

Ilang kalendaryo na ang pinunit ngunit tila hindi matibag-tibag ang stigmatismong nakapalibot sa alingasngas ng kalusugang pangkaisipan. Kaya naman sa paglipas ng taon, unti-unting naitatatag ang gusali ng kabatiran sa paksang mentalidad. Subalit hindi inaasahan na marupok ang naging pundasyon ng kaalaman, dahilan upang mauwi ito sa romantikismo kaysa maging isang kilusan tungo sa mas matibay na diskusyong sikolohikal.

FEU Advocate
·
December 27, 2023

Walang Katapusan na Pagkahumaling: Nakakubling Panganib ng Infinite Scrolling sa Kaisipan ng mga Kabataan

Sa pagbagtas nina Juana at Juan sa panibagong ruta, layunin nilang magsaliksik upang makamit ang pansariling kaalaman. Ngunit sa landas na kanilang tinatahak, makakatagpo sila ng samu’t saring kuwento’t mga katanungan. Makakasalamuha rin nila ang iba’t ibang personalidad na maaaring tumapik sa kanilang kamalayan.

FEU Advocate
·
October 20, 2023

Himagsikan sa kalsada: Pakikibaka para sa patuloy na pasada

Nakaukit na sa puso ng mga Pilipino ang mga hari ng kalsada bilang bahagi ng kanilang pagkakakilanlan. Marahil ay naging parte na ito ng kanilang kultura, pinagyayaman at binibigyang halaga. Sa mga nagdaang panahon na nagbabaga ang kapangyarihan ng mga jeepney sa bawat rutang dinaraanan, sinong mag-aakalang ito rin ay may hangganan.

FEU Advocate
·
September 29, 2023

Pithaya ng mga Manggagawang Maralita: Sapat na Umento at Sistemang Makakapahinga

Madilim pa lang ang kalangitan, nagkukumahog nang kumilos sina Juan at Juana para sa maghapong pagpapagal. Bagamat pauwi pa lang, magpapahinga lamang sila nang kaunti para sa muling pagbabanat ng buto ng walong oras o mas matagal.

FEU Advocate
·
September 29, 2023

Buwagin ang Siksik na Kurikulum: Pagpuksa sa Lumalalang Sistema ng Edukasyon

Sa pagsalubong sa bagong taong panuruan, kargado pa rin ng mga Pilipino ang mga hamong bitbit ng lumulubhang kalidad sa sistema ng edukasyon. Nakababahala ang patuloy na lumalalang krisis ukol dito, at ang malaon na hamok sa pagpuksa ng mga napipisil na isyung pang-akademiko.

FEU Advocate
·
August 29, 2023

Sim Registration Act: Ginhawang lunas o patong na balakid sa mga Pilipino?

Pihadong nakakrus na sa noo ng mga Pilipino ang katagang, “Upang ma-claim ang napalanunang premyo ay mag-register lamang dito.” Dahil dito, tila hindi na mabilang sa daliri ang mga text scams na tuwinang nararanasan ng taong-bayan. Lipas na ang mga ganitong modus sa Pilipinas; datapwat magpasahanggang ngayon, litaw pa rin ang mga naglilipanang modus.

FEU Advocate
·
May 27, 2023

Panaghoy ng Mindoreño: Lumpong Kabuhayan sa Naghihingalong Karagatan

Buhay kung ituring ng mga Mindoreño ang karagatan. Ito ay tila may malalim na koneksyon sa kalamnan ng bawat taong umaasa sa yaman ng katubigan. Ito ay animo’y katawang kumikilos at nagpapagal patungo sa isang layunin—ang maipagpatuloy ang agos ng isang magaan na buhay para sa pamilya.

FEU Advocate
·
April 11, 2023

Pagpiglas ni Clarita sa Rehas ng Nakalipas

Madalas ay katumbas ng langit at lupa kung ituring ang kaibahan ng dalawang kasarian. Marahil ay dala ito ng mga konsepto noon na siyang tumatak sa kaisipan ng lahat—ang mga lalaki ay katumbas ni Malakas na makisig samantalang ang kababaihan ay katumbas ni Maganda na mayumi.

FEU Advocate
·
February 12, 2023

Buhol na talibugso: Paglipad ng libo-libong adhikain patungo sa rutang kalituhan at dismaya

Daig pa ni Juan at Juana ang tumakbo sa bako-bakong daan sa hirap at pagod na ipinaramdam ng paliparang dapat galak at pag-asa ang dala. Sa halip na ginhawa ang hatid ng mga alapaap patungo sa ibayong dagat, tila naging pugad ito ng aberya sa sariling bayan.

FEU Advocate
·
December 23, 2022

Kutitap ng Kapalaran: Nakapupunding dagok ng mga manggagawa ngayong Kapaskuhan

Sa kabila ng kasiyahang sana’y dala ng Kapaskuhan, animo’y mga napupunding parol ang mga manggagawang pilit na kumikislap sa dilim na hatid ng masalimuot na reyalidad. Mahirap man pero hawak pa rin ang pag-asang kinang at liwanag na maibibigay nila sa kani-kaniyang tahanan ngayong paparating na Kapaskuhan.

FEU Advocate
·
November 08, 2022

Sandata ng Kasarinlan: Tintang Daan sa Pithayang Kalayaan

Mulat man sa reyalidad, suntok pa rin sa buwang makamtan ang daing ng tunay na kalayaan. Tila may bulalakaw na patuloy na humahadlang sa tuwing ang boses ay napakikinggan at may umaaligid na agam-agam at sindak na nagwawaring kikitil sa sinumang boboses ng katotohanan. Pawang hantungan nito ay balat-kayong kalinaw na masang lubog sa kasinungalingan.

FEU Advocate
·
October 31, 2022

Gulugod ng Lipunan: Pagbungkal sa Deka-dekadang Pagpapagal

Sa pagsilip ng bukang liwayway ay siya namang paglabas ng pawis na hudyat ng maghapong pagod at hirap. Pagkaitan man ng pagkakataon at paulit-ulit mang biguin ng sariling bayan, ang mga magsasaka ay nanatiling tumitindig upang siguraduhing mayroong pagkain sa hapag ang bawat pamilyang Pilipino.

FEU Advocate
·
August 01, 2022

Bayanihan sa Lansangan: Pagkupkop sa mga Hayop na Nangangailangan

Ang mga kalye na hindi tiyak ang kaginhawaan ay kublihan ng mga nabubuhay na uri na tanging pag-akay mula sa tao ang susi ng kanilang katiwasayan—ang mga naghihikahos na hayop sa lansangan.

FEU Advocate
·
July 12, 2022

Rutang Filipino: Unang Hakbang sa Edukasyong Maka-Pilipino?

Mainam pa ang sinusong bugtong, idaan ka man sa masalimuot na kalye ng pagwawari ay batid mo kung ano ang hahanapin at pupuntahan.

FEU Advocate
·
May 30, 2022

Nang Lukubin ng Tsimis ni Marites ang Katotohanan

Habang pinipinsala ng pandemya ang sansinukob, isang matandang epidemya naman ang patuloy pa ring nananalasa sa isipan ng maraming Pilipino – tsismis. Tulad ng makakapal na ulap na humahadlang sa sinag ng araw, sanhi nito ay kadiliman sa pag-iisip at paniniwala ng mga taong babad sa ugong ng usap-usapan.

FEU Advocate
·
April 25, 2022

Mula Sabungan Patungong Birtwal na Soltada: Ang Pagsugal Sa Walang Katiyakan

Sa pagkakaukit ng pagsasabong sa kultura at tradisyon ng bawat Pilipino, ang bawat sabungero ay tila umaasa sa kakarampot na posibilidad na uuwi silang mayroong ngiti sa mukha. Sa mas pinadaling pagtaya dahil sa tulong ng teknolohiya, marami ang patuloy na nahuhumaling isugal ang kanilang natitirang pag-asa sa walang katiyakang laban ng asul at pula.

FEU Advocate
·
April 13, 2022

Limang Natatanging Binhi: Ang Pag-alala sa New Bataan 5

Walang pananakot ang makapipigil sa taong may malalim at mabigat na adhikaing makatulong at makapag-ambag sa isang komunidad na pinagkaitan ng karapatan. Kahit pa buhay ang maging kapalit, patuloy na mananaig ang ipinaglalaban para sa bayan— para sa kapwa.

FEU Advocate
·
January 24, 2022

Gumuguhong tulay: Tiwala sa tersyaryang institusyon sa panahon ng pandemya

Guguhit na sana ang ngiti ng pag-asa sa pisngi ng bawat kolehiyolo at kolehiyala nang sila’y magimbal sa isang pagyanig na mistulang wumasak sa kanilang tulay tungo sa hinaharap.

FEU Advocate
·
December 02, 2021

#IlogPASIGlahin: Pagsagip sa Alaala ni Paz

Sa sinaunang alamat, pinaniniwalaan na hango ang pangalan ng Ilog Pasig sa isang mayuming dalagang nagngangalang Paz. Isang gabi habang namamangka kasama ang Kastilang binata, bumaliktad ang bangkang lulan silang dalawa. Sa pagsigaw ng binata ng katagang “Paz, sigueme! (Paz, tulungan mo ako!),” hatid ng masalimuot na pangyayari ay ang paglutang ng mayamang kasaysayan at pagkakakilanlan ng Ilog Pasig.

FEU Advocate
·
October 12, 2021

Pagtangan sa Sulo ng Pananampalataya: Mitsa ng Pag-asa ng Bawat Pilipino Ngayong Pandemya

Sa kabila ng dilim na kanilang nararanasan, mapanatili kaya nila ang alab ng kanilang pananampalataya?

FEU Advocate
·
October 04, 2021

Kumpas ng Pag-unlad: Pagtanaw sa pananaliksik ng DOST-NRCP sa musikang Pilipino

Katumbas ng paglago ng teknolohiya ang pagdami ng mga plataporma na kayang makapagbigay ng tagumpay sa iba’t - ibang sangay ng industriya sa bansa. Subalit, kung kikilatising mabuti ang industriya ng musikang Pilipino, kapansin-pansin ang nararanasang pagliit ng atensyon na naibibigay dito.

FEU Advocate
·
October 01, 2021

Nangangambang buhay at kabuhayan: Dumagueteño sa banta ng modernisadong pagbabago

Binansagan ang Dumaguete bilang siyudad ng mga mayuming mamamayan. Sa pagsikat ng araw, mainit na pagbati ang siyang sasalubong sa bawat dayo’t bisita sa bayan. Sa dapithapon naman nakukulayan ng kahel at dilaw ang kalangitan ng paraisong lokal. Habang sa gabi, kapayapaan at maaliwalas na tubig ang bumabalot sa baybaying mahikal.

FEU Advocate
·
July 27, 2021

Pagtindig sa mga Daluyong: Isang Panawagan Tungo sa #LigtasNaBalikEskwela

Maingay at puno ng tawanan ang nakasanayan sa loob ng paaralan--na ngayo’y nabalot na ng nakabibinging katahimikan. Ang silid-tulugan ay nagmistulang silid-aralan. Ang lahat ay naantala sa presensya ng unos na tila’y isang mapaminsalang daluyong. Ang mga araw na nagdaan ay nabalot ng pangamba, ngunit sa kabila nito, nagliliyab pa rin ang hangarin para sa ligtas na pagbabalik sa eskwela.

FEU Advocate
·
April 13, 2021

Karne Noon, Suman Ngayon: Ang Bantang Pagbabago ng 60-day Price Ceiling

Nagmahal na ang mga presyo ng bilihin, nagsara na ang ilang mga tindahan, at unti-unti nang nawala ang kakatwang ingay ng mga nagtitinda’t kanilang mga parokyano—ang dating mga palengkeng puno ng sigla ay binalot na ng nakakapanlumong mga tagpo.

FEU Advocate
·
March 31, 2021

Ang pakikipagsapalaran ni Baste sa nagbabagong Maynila

Sa loob ng 400 na taon, naging tahanan ni Baste ang makasaysayang lupain ng Quiapo. Walang kapaguran nitong pinagsisilbihan ang mga mananampalataya habang tahimik napinagmamasdan ang mga kuwento ng nakaraan.

FEU Advocate
·
March 17, 2021

Pagtanaw sa kalusugang pangkaisipan ng mga manggagawa laban sa pandemya

Hindi pa man lumulubog ang araw sa pakikipagsapalaran ng isang manggagawa, palaisipan na agad ang naghihintay na kinabukasan. Sa mapanghamong komunidad, tumambad ang magkakapatong na mga responsibilidad.

FEU Advocate
·
November 21, 2020

Tamaraw-led initiatives, relief ops ikinasa para sa mga biktima ng bagyong Ulysses

Inilunsad ng mga mag-aaral at ng alumna’t kasalukuyang propesor ng Far Eastern University (FEU) ang iba’t ibang donation drives online at relief operations upang tulungan ang mga biktima ng bagyong Ulysses sa Luzon.

FEU Advocate
·
October 28, 2020

Silakbo ng Pagtuturo sa Kabilang Ibayo: Pakikipagsapalaran ng Isang Gurong Dayo

Iniwan niya ang buhay-siyudad at nagpunla sa maliliit na binhi ng pagbabago sa malalaking kabundukan. Tangan ang prinsipyo at sinumpaang adhikain, nagsilbi siyang sinag ng pag-asa sa kabilang ibayo ng bayan. Sa tawag ng gampaning magsilbing tagapagpaganap ng mga nangangarap, nakipagsapalaran ang isang gurong dayo.

FEU Advocate
·
October 20, 2020

Pagtuturo at Pakikibaka: Pagpapasiklab ng Adhikain Tungo sa Inklusibong Edukasyon

Sa pag-usbong ng samu’t saring inhustisya sa ating lipunan, handa ka bang maglagay ng iyong kapirasong sanga sa pagpapaningas ng adhikaing inklusibong edukasyon?

FEU Advocate
·
October 08, 2020

BATIBOT: Ang Lahat ng Bagay ay Magkaugnay

Bilang pakikiisa ng mundo ng biswal na komunikasyon gamit ang iba’t ibang lente ng mga tagalikha nito, naging tanyag ang plataporma ng ‘DaangDokyu’ na magpalabas ng mga natatanging sining-biswal na libre para sa publiko.

FEU Advocate
·
September 23, 2020

Nakahanda na ang Piging: Paglasap sa Tamis at Pait ng Pagdiriwang ng 'Marcos Day'

Nakalulugod sa pakiramdam ang maimbitahan sa isang pagdiriwang, lalo na kung para ito sa may kaarawan. Hindi mawawala sa selebrasyon ang mga tawanan, kuwentuhan, at masasayang pagbabalik-tanaw sa nakaraan. Ngunit papaano na lamang kung ang simpleng okasyon na ito ang siya pang magpapa-alala ng mga kuwentong kahila-hilakbot at isang bangungot na insensitibong ungkatin.

FEU Advocate
·
September 22, 2020

Filipinx: Ang Pagbaybay sa Landas Tungo sa Inklusibong Lipunan

Sa pagtahak ni Juan sa daang minimithi niyang inklusibong lipunan, tila may nakapukaw ng kaniyang atensyon at kamalayan, ito ang pagsulpot ng isang salitang hindi niya nakasanayan — ang salitang Filipinx.

FEU Advocate
·
September 05, 2020

Paglalakbay sa Mundo ng Pananaliksik: Pagpapasa ng Adhikain sa Maliliit na Kamay ng Bayan

Sa hamong pagtuklas sa ugat ng ating lahi at pagpapanatili nitong pagbunga sa modernong panahon, nagtanim ang isang kabataan ng pag-asang ito ay maisasakatuparan — sa paraan ng pananaliksik.

FEU Advocate
·
August 26, 2020

Paglalayag sa Pagkakakilanlan: Kulturang Kasulatan

Habang patuloy ang paglalayag ni Dodong sa mas masinsing pagkakakilanlan ng sarili, tila may nakaligtaan siyang bauning kapiraso ng kamalayan.

FEU Advocate
·
July 17, 2020

Tondominiums: Pundasyon ng Makataong Tahanan

Hahamakin ang lahat, makapamuhay lamang sa punong lungsod ng Pilipinas – ang Maynila.

FEU Advocate
·
December 27, 2019

12 Kulay ng Kapaskuhan

Sa tradisyon ng mga Pilipino, ang Kapaskuhan marahil ang pinakamahabang okasyon. Setyembre pa lamang ay abala na ang ilan sa paghahanda nito. Iba’t iba man ang ating pagkakakulay tuwing sasapit ang Pasko, nawa’y ang mga kulay na ito ay magpaalala ng ating pagkakaisa at pagmamahalan bilang mga Pilipino.

FEU Advocate
·
July 04, 2017

Pagkamit ng Edukasyon: Ang Lubak na Landas mula sa Karalitaan

Ang mapaunlad ang sariling pag-iisip at kakayahan ay isang karapatan na dapat sana’y pantay-pantay na nakakamit ng bawat bahagi ng lipunan subalit para sa iilan, tila isang pribilehiyo ang makatuntong sa paaralan.

FEU Advocate
·
October 08, 2016

Bakit PAK ang GANERN?

Kasabay ng pagiging moderno ng teknolohiya ay ang pagsibol ng mga lengguwahe, salita o mga tunog na nabubuo mula sa malilikhaing pag-iisip ng mga tao. Mga salita na naglalaro at nakikisabay sa pag-agos ng mga mumunting kaisipan na gumagawa nang eksena sa makabagong panahon ating kinabibilangan.

FEU Advocate
·
August 07, 2016

Betsin at Utot: Sa Likod ng Damdamin at Hugot

Nasubukan mo na bang sumubok ng iba’t ibang salita makuha lang ang panlasa ng iyong mambabasa? Halos lahat naman ata tayo ay iisa ang agenda at ‘yun ay ang makuha ang interest ng mga taong nasa social media. Hindi nakapagtataka kung maglipana ang mga Facebook page na kikiliti sa ating saloobin at makapupukaw ng atensyon natin.

FEU Advocate
·
August 01, 2016

Katas ng Katapangan: Pagkapit sa Ikot ng Buhay

Walang takot sa pagharap sa bawat hamon ng buhay. Katapangang nagsisilbing inspirasyon upang suungin at harapin ang bawat suliraning darating.

FEU Advocate
·
July 23, 2016

Nagliliyab na Adhikain: Pagtingin sa kakayahan at hindi sa kakulangan

Walang kapansanan ang magpapaawat sa nag-aalab na hangarin ng isang tao na salat sa buhay. Paralitiko man ang mga paa subalit mayroong taglay na tibay, at lakas ng loob na harapin ang mundong ginagalawan na puno ng pagsubok.

FEU Advocate
·
July 07, 2016

Gawang PNoy: Ang Pagtahak sa Daang Matuwid

Kasabay ng kanyang paglisan sa trono ang pagtingin ng tao sa kanyang mga nagawang pagbabago. Kung saan, ano nga ba ang pinatunguhan ng pangakong kaunlaran para sa bayan, anim na taon na ang nakalilipas?

FEU Advocate
·
July 07, 2016

Paghuhusga ni Juan kay Digong

Sabay sa pagtakas natin sa nakaraan ang naghuhumiyaw nating hangarin sa pagbabago. Kagustuhang pamalitan ang pagkakakinlanlang nabahiran na ng katiwalian. Ngunit kailangan pa ba ng isang mapanindak na pamumuno upang kaunlaran ng bansa ay tuluyang makamtan?

FEU Advocate
·
June 25, 2016

Ang Tatay kong Beki

Haligi ng tahanan, pundasyon na nagsisilbing lakas at sandalan ng bawat pamilya. Siya ang ama na handang gawin ang lahat, alang-alang sa ikabubuti ng mga mahal niya sa buhay.

FEU Advocate
·
June 19, 2016

Animo Rizal

“Ang panulat ay mas makapangayrihan kaysa sa tabak,” ani ni Edward G. Bulwer-Lytton, isang na manunulat tulad ni Jose Rizal.

FEU Advocate
·
May 07, 2016

Pagpuksa sa mga Kinalimutang Pangako

Responsableng pamumuno, ‘yan marahil ang kailangan ng bansang kabi-kabila ang problemang kinahaharap. Isang taong may paninindigan upang gawin ang tama para sa bayang kaniyang pinagsisilbihan. Ngunit, disiplina naman para sa mamamayang naghahangad ng kasaganahan.

FEU Advocate
·
February 26, 2016

Pagbabalik-tanaw sa Pagtamasa ng Demokrasya

Kapayapaan, katahimikan at kalayaan – 'yan na marahil ang hiling ng halos bawat indibidwal na namuhay sa administrasyong Marcos, tatlong dekada na ang nakararaan. Tila mga ibong nasa hawla ang pakiramdam ng mga tao noon; mga ibong gustong makawala, lumaya, at lumipad sa himpapawid.